有性趣：牛骨髓補腎又潤肺

顧名思義，牛骨髓即係牛隻嘅骨髓部分，係一種高蛋白、低脂肪，兼且含豐富鈣質嘅食材，普遍認為食咗佢，有壯陽壯腰嘅功效，男人如果覺得床上表現唔多掂，不妨食番啲！

喺中醫角度，牛骨髓味甘，性溫，入心、脾二經，具食療功效，睇番《綱目》嘅記載：「潤肺補腎，澤肌，悅面，理折傷，擦損痛。」另外，據《別錄》指出，牛骨髓「主安五臟，平三焦溫骨髓」，可以補中、益氣、續絕、消渴同止泄利。

牛骨髓營養豐富，適合精血不足、體虛多病、頭昏耳鳴、健忘目眩、遺精陽痿、月經不調者食用。不過，由於牛骨髓嘅熱量都幾高，所以本身肥胖、有意減磅嘅人士要避免食用。高血壓患者亦唔適合食太多。