有性趣：挑起女性情慾

名稱由來

佢收錄於明代洪基所著《攝生總要》中，至於當中嘅薛敖曹究竟係乜水呢？據明代艷情小說《如意君傳》稱，佢生於破落門第，高大英俊，酒量好，精於琴棋書畫，性格俠義，忠於唐室又有大志，最重要係佢胯下有巨物，因而成為武則天晚年最愛男寵，而呢道偏方據稱係佢獻畀武則天，但係咪真呢？就不得而知喇！

慾仙慾死

材料分別有龍粉一錢二分、蛇床子一錢、白礬一錢五分、紫梢花一錢、木香五錢、川椒五分及吳茱萸一錢。做法係將所有材料混合碾成細末，再用煉蜜搓成丸狀，每次曳曳前取出一粒，並置於女伴蜜洞內，書中稱：「極美甚快。」意思即係慾仙慾死。而當中嘅紫梢花，又名紫霄花，其實係脆針海綿嘅乾燥群體，據明代李梴著嘅《醫學入門》稱，具有治療陽衰陰痿嘅作用。