足總加碼米祖域最少停10場

英格蘭足總發聲明：「關於阿歷山大米祖域對球證施用嘅暴力行為，足總認為標準嘅處分明顯唔足夠。」意味呢位塞爾維亞前鋒將面臨，比一般紅牌停3場更嚴厲嘅加罰，估計停賽最少10場，而富咸今季只剩11輪聯賽，阿歷山大米祖域有可能「提早收咧」。

另邊廂，英超球會水晶宮上星期炒咗領隊韋拉後，已經落實搵到新帥人選，75歲教頭鶴臣答應出山，帶領呢支曾執教4年嘅球隊打護級戰。鶴臣喺2017至2021年間曾經執教水晶宮，多次喺護級戰帶領球隊逃出生天。水晶宮喺國際賽後首仗會喺主場迎戰李斯特城，呢仗將會係鶴臣回巢後首場英超賽事。