關楓馨遊上海 日行3萬步

藝人關楓馨最近到上海旅遊，原來她上一次踏足上海已是20年前，當時年紀尚小，故沒有甚麼印象，今次到訪就像去了一個全新的地方，興致勃勃。她走訪當地一些地標性的景點參觀，如上海外灘、豐盛里等，每日到處逛街打卡，日行最少2萬步，她說：「最誇張有一日全日冇搭過車，行咗3萬步，好鍾意上海每條街都好靚，好有特色。同埋喺香港好少行咁多路，行咁多路好開心，好似減低食咗好多嘢嘅罪惡感，哈哈。」