姚焯菲拉隊開見面會 逼爆唱片舖

「聲夢歌手」張馳豪、詹天文、姚焯菲及林智樂日前現身唱片店，為7吋黑膠唱片舉行簽名及歌迷見面會，聞風而至的粉絲一早逼爆現場，4人表示：「今年係第二年推出實體碟，睇到粉絲拎住7吋黑膠時，嗰個愛不釋手嘅表情，感覺好神奇，好似拉近咗大家嘅距離。」同場的歌手還有歐信希及《中年好聲音》的羅啟豪，兩人亦被歌迷重重包圍被瘋狂集郵。