陳瀅巴黎晒做運動成果

藝人陳瀅及林熙蕾早前不約而同現身巴黎時裝周，前者昨日於社交平台晒出靚相，一身短裙打扮，精神狀態不錯，她以英語留言：「2025年我有很多目標，但已突然來到3月中，意味春天已經來到，我覺得是時候脫下冬天服飾穿上春衣了。」吸引數千人讚好。受訪時她補充說：「年初開始我經常健身同踩單車，卻發現自己磅數愈嚟愈重，曾經好氣餒，好彩有朋友話畀我知，原來剛開始做運動可能係會有咁嘅反應，因為肌肉多咗嘛。」她直言平日拍照最擔心手臂被拍得鬆弛：「呢輯相影得唔錯，我會Keep住呢股拼勁，希望夏天有更好嘅成績！」