娛樂

任性一次 「清袋」出歌 關嘉敏多仔追 感覺最緊要

關嘉敏期待歌影視三線發展,做全能藝人。 關嘉敏期待歌影視三線發展,做全能藝人。
關嘉敏期待歌影視三線發展,做全能藝人。
藝人關嘉敏為新一年定下目標,期待推出個人單曲,豪言要任性一次。她又透露獲圈外人力追,蛇年有望事業愛情兩得意!
藝人關嘉敏(Carman)踏入農曆新年定下新目標,期待歌影視三線發展,首要是推出第一首個人單曲,日前接受專訪時,明言必須任性一次:「之前我係跳唱歌手,想30歲前有自己嘅歌,不過出歌好麻煩,乜都要一腳踢。同埋出歌好貴,每首最平都要5位數,我想出慢歌同快歌,所以依家清晒袋!」
講明恨做女主角
有指其演戲路比唱歌事業走得更順暢,Carman直言很愛演戲,希望挑戰不同範疇:「想試吓未拍過嘅電影,仲有參加選秀節目。內地啲演員好犀利,希望有合作機會同佢哋交流吓。(想做女主角?)好想,雖然有相熟嘅監製,奈何公司太多女演員,呢啲要天時地利人和,可能個劇想搵你做女主角,但又唔啱自己,夾硬嚟都唔好,隨緣啦。」
問到單身已久,可想事業愛情兩得意?Carman自爆:「其實都有兩、三個圈外人追,大部分都係做生意,有食過飯,有兩個表白過,但問題喺我度。因為我好煩,要有感覺先,我好似有過度活躍症咁,要不停做嘢先安落。」又笑言媽媽比她更緊張,大有機會捉她去相睇:「阿爸阿媽擔心我30歲都冇男友,怕我老時冇依靠。其實我咁恨攞獎,係因為想用個獎塞住佢哋把口!」
談及她失落無綫台慶「飛躍進步女藝員」獎,不少網民替她不值,她突然爆喊,但並非因為失獎而傷心,而是開心到流淚:「之前我遇到好多挫折,但身邊人個個都好錫我、好幫我,所以我會繼續努力。」
曾是跳唱歌手的關嘉敏希望推出個人單曲。<br>曾是跳唱歌手的關嘉敏希望推出個人單曲。<br>
曾是跳唱歌手的關嘉敏希望推出個人單曲。
談起支持者,關嘉敏開心到流淚。談起支持者,關嘉敏開心到流淚。
談起支持者,關嘉敏開心到流淚。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500
人人做記者