林夏薇談閃婚 無懼事業受阻

視后林夏薇（薇薇）日前接受電台訪問，談及10年前未有公開戀情便閃嫁圈外男友，她說：「其實我係有正常拍拖，所以個個聽完都話我收得好密，因為我工作同生活分得好開。」問到可擔心結婚影響事業？薇薇表示：「咁我又冇呢種諗法，可能我更加想做嘅係一個演員，冇諗過要成為一個明星，演員就係盡最大努力去演好每個角色，咁當離開角色時我就係我自己，所以我適當時候做適當嘅事。」談及生B問題，薇薇自言一直沒有壓力：「我係一個好負責任嘅媽咪，依家係因為冇時間，再加上開鑽飾店，鑽石又係我新BB，冇咁多精力。」