許靖韻洪卓立獲「撮合」

歌手許靖韻最近找來洪卓立（Ken）推出合唱版《作賤．矛盾》，兩人近日接受電台訪問，許靖韻自爆是媽咪促成兩人合唱：「因為我阿媽好鍾意佢，上次我音樂會邀請Ken做嘉賓，媽媽知道Ken喺度即刻話過嚟，佢仲話合唱版好聽過獨唱版。」至於Ken自2021年後便沒有發表新作品，疫情期間聲帶更出現問題：「直至遇到一個新嘅唱歌老師，上咗大概一個月我就有番把聲。」他直言尋回聲線後第一件事便是減肥，笑言：「原本冇諗住㗎，個天見我十幾年都唱夠啦，之後走去練大隻，但太過重，身體支撐唔到，加上傷咗條腰冇晒肌肉，依家齋減肥。」