羅天宇忍痛送別愛貓

無綫藝人羅天宇昨日以大使身份出席寵物活動，他原定帶同寵物出席，但家中愛貓剛不幸離世：「好突發，自己都處理咗好耐，尋晚都唔係好瞓得着。」他指約一星期前發現貓貓呼吸困難，獸醫檢查後發現情況嚴重：「肺積水，即刻抽出嚟，又發現心跳好弱。」之後貓貓出現後腿無力，原來還有很多問題：「佢心臟天生有缺陷，供血唔太好，亦發現咗有兩粒不明腫瘤，一掂佢隻腳就大叫，明顯好痛。」他坦言經幾位獸醫診斷後仍得不到解決方法，最終不想貓貓長期受苦，忍痛決定作人道毀滅：「最難過係做個決定，係好唔捨得。」