賴慰玲報喜 佗第二胎

無綫藝人賴慰玲與舞台劇演員梁子峰婚後育有一子，本月初才出席港姐活動的她，昨日突然宣布懷上第二胎。她在社交網留言：「相隔6年，再擁有這條曲線，仍然有一種好奇妙的感覺 #胎動依然係令我哋最有幸福感 #Yaya哥哥成日摸住話好鍾意佢 #男女都咁鍾意 #我啲朋友估男女估得好開心」。她分享的照片所見，她只「肥肚唔肥人」，得天獨厚，圈中好友紛紛恭喜和祝福，吳若希更留言估她佗女。