心痛歌迷日曬雨淋 張敬軒變陣接Job

歌手張敬軒出道多年依然人氣高企，一直將歌迷視為知心好友，相當寵粉。日前他出席公開活動，吸引不少粉絲於大熱天一早到場，在戶外排隊等候，軒仔對此大感心痛，並決定重新制訂接Job原則，希望主辦方可以將照顧好粉絲作為活動前提，他在社交網發文：「尋日咁熱，一陣曬一陣落雨，大家喺度等咁多個鐘頭，見面就見嗰幾分鐘，我好感恩，但係又好內疚。我同歌迷會會重新制訂我哋嘅接受工作邀請原則，我哋同客戶都會以照顧好大家為Priority。多謝大家嘅愛，你哋嘅愛好偉大！」粉絲自然感動到爆。