吳家忻遊樂園 無辜被鬧「貪錢」

與「Ball后」薛芷倫大仔馬桂烽拍拖的網紅吳家忻，升呢「未來百億新抱」，近日她上載在日本主題樂園遊玩的靚相，大擺趣怪甫士，其中一張更躺在地上，她寫道：「i told myself大個賺到錢一定要買Fast Pass去環球影城，i did it。」未知是否提到錢便觸動網民神經，有網民冷嘲熱諷說：「依家個樣勁貪錢」、「叫你男友買咗個環球影城啦！」亦有網民睇唔過眼代反擊：「笑死，依家個女仔搵唔到錢咩？買張fast pass都要提人哋男友。」