李克勤捉遲到觀眾放笑彈

歌手李克勤近月於內地舉行巡唱，先後到廣州、武漢及深圳等地演出，一票難求！演唱會上，克勤大唱不少經典金曲，當他跳唱《護花使者》時，落力揈手揈腳又扭腰，喜感十足。

在深圳站上，克勤更大放笑彈，「訓導主任」上身的他在台上捉遲到觀眾，因觀眾未搵到自己座位，他笑言：「你哋坐住樓梯先啦，呢個位都8舊水㗎，同埋你哋遲咗聽少幾隻歌，都唔見咗成舊水啦。」又搞笑指：「我哋呢啲高級嘢，好準時㗎。」引來全場爆笑，甚懂搞氣氛。