方力申開騷女友伴舞放閃

藝人方力申（小方）自公開有女友葉萱（Maple）後鮮有放閃，不過上周在他舉行的首個內地個人演唱會佛山站，除了有他獻唱多首金曲，以及早前已經預告會現身的好兄弟劉浩龍擔任嘉賓外，原來Maple亦激罕上台現身支持！

有現場觀眾指當小方唱《月全蝕》時，台上為他蒙面伴舞的美女正是Maple，只見Maple身材高挑出眾，跳舞好睇又不怯場。當小方唱到《只愛一個人》又憑歌寄意，冧爆向女友方向四目交投兼派心心，閃爆網友。有網民留言笑他整晚對住女朋友扭來扭去。而Maple似乎睇得非常開心，離場時跟友人有講有笑，就算身旁有人影相都冇黑面，更被發現一直玩小方的應援人形牌，愛得夠煙韌。