捧舊愛場狂Wow！鍾嘉欣為伍允龍驕傲

女星鍾嘉欣前晚出席美容儀器代言續約儀式，透露今次回港個多星期，有到戲院捧舊愛伍允龍參演的電影《九龍城寨之圍城》場，她說：「有好多好好嘅演員同好多新演員，呢個配搭好好，我睇完係咁『Wow！Wow！Wow！』點解咁好睇嘅！劇本寫得好細心。（伍允龍角色被觀眾認同。）太好喇！每個演員一直都係好嘅，而佢等到呢個角色，替佢好高興。佢嘅價值一直都喺度，只係等待角色，佢嘅髮型又長又有型，角色好啱佢演，So proud of him！」更指大家仍是好朋友，節日會互傳短訊祝福，問到老公有否呷醋？她表示不會：「我老公好有自信，同埋我哋兩個都專一，所以唔需要擔心。」