娛樂

黎諾懿大膽「逼供」 陳自瑤被誤解黑面:我唔介意!

陳自瑤在節目中大方回應提問。 陳自瑤在節目中大方回應提問。
陳自瑤在節目中大方回應提問。
陳自瑤於台慶「黑面」事件當年直上熱搜,多年來不只一次澄清的她,坦言遭全世界錯誤解讀,但黎諾懿居然於節目中重提此事,認真大膽,不過她都畀面大方回應。
藝人陳自瑤多年前於老公王浩信封帝一刻時「黑面」成為話題多年,日前於無綫節目《香港婚後事》中,拍檔主持黎諾懿竟然重提此時,被指膽生毛。節目中他們與同是主持的賴慰玲、羅天宇齊齊決戰四方城,食胡的人可向其中一位提問,率先食胡的諾懿戰戰兢兢問陳自瑤:「其實呢啲人話你台慶黑面,仲成日提住,你會唔會好唔開心?同埋其實係咪真係黑面呢?」跟着陳自瑤笑住大方謂:「其實我唔介意嘅,同埋啲人成日可能記住我黑面個樣,咁我咪畀人記住我笑住個樣囉!得唔得呀?」諾懿即謂:「我實得㗎!」陳自瑤續說:「其實咁多年,我又唔係啱啱入行,好多嘢都習慣,凡事咩都好,最緊要心態好。」
羅天宇畀人啄住
早前羅天宇傳與陳懿德拍拖,他們大談如果另一半都是圈中人是否好時,都朝着天宇問,賴慰玲望着天宇問:「你呢?你鍾唔鍾意同另一半同公司㗎?」此時眾人「衰笑」,天宇謂:「我覺得呀……職位唔一樣、工作唔一樣都可以多啲話題傾吓嘅!」諾懿追問:「如果大家都係藝人呢?」天宇謂:「如果大家都係藝人,都有好有唔好囉!咁都會多咗共同話題,佢會明白你多啲。」
而向來可愛、玩得的陳懿德為節目《福祿壽訓練學院》扮過不少人和物,包括《鬼滅之刃》的「禰豆子碌竹」、「人肉金像獎」等。最近她塗黑面扮黑板亦相當受歡迎,她更自嘲是最黑口黑面的藝人,不過扮嘢搞笑背後,長期塗黑面卻令到下巴、耳仔生瘡,有苦自己知。
黎諾懿戰戰兢兢問陳自瑤「黑面」事件。黎諾懿戰戰兢兢問陳自瑤「黑面」事件。
黎諾懿戰戰兢兢問陳自瑤「黑面」事件。
羅天宇聽到賴慰玲的提問,汗都標埋。羅天宇聽到賴慰玲的提問,汗都標埋。
羅天宇聽到賴慰玲的提問,汗都標埋。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500