娛樂

做節目「偷偷」撐老公 黃翠如蕭正楠晒恩愛 方力申眼冤

蕭正楠為黃翠如的節目擔任嘉賓,兩公婆奉旨放閃。 蕭正楠為黃翠如的節目擔任嘉賓,兩公婆奉旨放閃。
蕭正楠為黃翠如的節目擔任嘉賓,兩公婆奉旨放閃。
藝人蕭正楠與黃翠如結婚6年,人前人後也非常恩愛,除了不時在社交平台放閃,拍節目期間亦忍不住要眉來眼去,閃得連蜜運中的好友方力申也大呻眼冤:「真係頂佢哋唔順!」
藝人方力申(小方)與黃翠如昨日錄影無綫綜藝節目《拍檔廚房》,請來滕麗名及蕭正楠擔任嘉賓大騷廚藝。蕭正楠透露節目中會煮太太喜愛的鹹酸菜炒菜甫,指早前天氣惡劣,家中只有鹹酸菜和菜甫:「所以煲咗粥,用鹹酸菜同菜甫送粥,點知佢一見到就問點解咁豐盛。」翠如即解釋自己是潮州妹,故十分喜愛吃鹹酸菜,又表示今次是首次見老公劏蟹,指老公經常會給她煮碟頭飯,大讚老公調味工夫一流,又建議他結婚周年時可煮蟹慶祝。蕭正楠即笑指平日只會吃蟹柳,稱煮食全為生存。
被爆要避嫌
至於小方大讚滕麗名相當認真,對她的廚藝有信心,但笑言不能選她,因為要讓給拍檔黃翠如先選:「佢話要避嫌,唔可以揀佢老公喎,其實睇住佢兩個真係好眼冤!」他大爆拍攝期間翠如不時望向老公,又偷笑又偷拍,暗地支持他:「唔係親眼見到都唔知佢兩個真係咁恩愛,真係頂佢哋唔順!(學番兩招冧女友?)唔使!我喺你哋面前梗係扮Man啦,哈哈!」問到早前被爆緋聞有否激怒女友?他笑說:「冇!證明我哋感情好,知道我冇蠱惑。(係咪一早預備禮物賠罪?)冇!我唔係用禮物去氹女朋友,係用愛心、真心!」
方力申對滕麗名的廚藝甚有信心。方力申對滕麗名的廚藝甚有信心。
方力申對滕麗名的廚藝甚有信心。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500