CNBLUE合體冧港迷 正信猜輸貼假鬚

韓國人氣樂隊CNBLUE前晚相隔7年再於亞博合體舉行香港演唱會，亦是今次亞巡海外首站。3子以出道曲《I'm a Loner》揭開序幕，隨後又唱出《Love Light》、《You're So Fine》及《Love Cut》等歌曲，期間隊長鄭容和多次落台與粉絲近距離接觸，成員李正信指當晚的指定衣着顏色是藍色：「我裏面有藍色，但畀唔到大家睇。」似乎暗示穿了藍色底褲，惹來全場起哄，他隨即解釋：「其實我係話我條頸鏈係藍色，大家到底喺度諗咩呢？」他之後因為猜輸包剪揼而要在面上貼假鬍鬚演出，場面搞笑。3子兩度Encore後再跟全場粉絲大合照，又承諾會多來港開騷，又大騷廣東話說：「我愛你哋。」