安德尊宋芝齡耍花槍 打者愛也？

緋聞男女安德尊（大王）與宋芝齡一起為無綫問答遊戲節目《HOME即是識》任嘉賓，主持森美指大王及宋芝齡為資訊節目《流行都市》擔任長駐主持，經常與各界專家交流，應該長了不少知識，但大王卻謙稱平日只是跟稿讀，令森美忍不住窒他：「同李錦聯對嘴嗰啲又寫畀你呀？」大王聞言即招架不住，並窒口表示：「嗰啲……嗰啲……嗰啲唔係常識嚟。」之後宋芝齡與大王於終極回合搶答問題時，更當眾大耍花槍，大王先表現雀躍狂撳鐘仔，還推宋芝齡作答，期間兩人不時出手打對方，場面搞笑！