黃美棋過大禮 重磅「流星錘」搶鏡

藝人黃美棋早前獲男友鍾健威求婚，近日公開過大禮照片，多對龍鳳鈪十足流星錘，金器全部分量十足，她說：「好感恩過大禮終於完成，睇住呢一切傳統儀式嘅發生，真係感動到有啲眼濕濕。多謝各位猛男兄弟，最緊要多謝鍾生同佢屋企人對我嘅愛護。」她提到哥哥娶了日本阿嫂，家姐嫁了澳洲姐夫，所以第一次經歷過大禮儀式；又揚言自小已揀定金器：「由細到大我都喺度諗，如果將來有一日我出嫁，除咗有龍鳳鈪、金鏈等等，我希望戴住一個鳳冠，金豬仔就梗係唔少得啦！」