王灝兒自製禮物冧粉絲

歌手王灝兒（JW）昨日跟半百粉絲舉行見面會，她表示因疫情及工作繁忙，已有5年未有搞粉絲聚會，為回饋粉絲她準備了自製的禮物，並說：「我透過AI程式設計咗個標誌，印喺水樽、毛巾、帽、叉電器、袋、燈牌同貼紙上面送畀粉絲，全部都係我一手一腳包辦，花咗好多時間同心機。」問到現場粉絲問得她最多是甚麼問題？她說：「問我幾時開騷。（唔係問你幾時結婚？）佢哋從來唔會問，可能覺得呢個係我私人事，佢哋好好，好關心我嘅事業。（咁幾時開騷？）希望下年，但好多場地都爆咗，未落實唔講住。」