Ian AK恨組明星冰球隊

男團成員陳卓賢（Ian）、江𤒹生（AK）和楊樂文（Lokman）演出的ViuTV原創劇《冰上火花》，講述一班冰球運動員的成長故事，他們同聲表示首次接觸冰球，拍攝前接受了兩個月訓練。Ian表示：「由零開始一次過學晒溜冰同冰球，運動底子令我訓練嗰陣冇咁易攰。試過3個鐘無間斷咁練都未覺攰。」Lokman則笑指今次的壓力在技術層面：「因為真係要落工夫先做到。我哋上咗冰面嘅話，就變咗唔識行路，好多嘢都做唔到。」問到可有興趣組明星冰球隊？AK坦言：「如果可以原班人馬抽到時間打番一、兩場就好，因為唔想荒廢呢個技能，一班人得閒約吓就會有動力去打。」Lokman亦興奮表示大家穿上Gear行出去，夠晒型格。