片場追星嗌尷尬 陳家樂邊鬧邊愛

陳家樂與呂良偉於《怒》片內身份特別，前者扮演偶像劉德華紀律部隊的上司。對於今次能與華仔有大量對手戲，成功「自肥」的家樂說：「開心但同時都擔心，其實同偶像距離太近唔係咁好，搞到我拍戲時好鍾意望實佢，有時會好尷尬。今次華仔係電影監製，佢好落力睇實成個環境，畀好多意見我哋呢啲後輩。（有鬧佢嘅戲份？）有，唔會鬧唔落，導演一叫開機，我就唔再愛佢喇！」