羅天宇橫店搵食 臭味相投

藝人莊思明、羅天宇及黎耀祥等身在橫店，準備為無綫新劇《巾幗梟雄之懸崖》開工，日前已開始造型及圍讀。在橫店安頓好一切後，他們外出閒逛及覓食，當中思明及天宇偕工作人員行夜市，見到街頭小食即時流晒口水！天宇「萬歲」請各人食臭豆腐，站在檔口前看着小販煎豆腐時笑不攏嘴。昨日他接受本報訪問時表示：「係好好味嘅，不過其實我都係食咗好少！依家要減肥，睇吓可唔可以捱到一日食一餐。」橫店天氣不是很熱就是很凍，思明受訪時說：「依家開始涼涼哋，夜晚出去要着外套，過多一個月呢度就開始凍，到時就要再着多啲。」