馬浚偉開6場騷 預咗白做

藝人馬浚偉昨日宣布11月舉行6場演唱會，門票今日公開發售，演唱會集合「音樂藝術」x「視覺藝術」x「沉浸式」藝術於一身，製作成本高昂，而新蒲崗場館每場只容納500名觀眾，就算6場爆滿亦只能平手，自己零歌酬，但覺得值得。提到加場，他笑稱：「如果加一場，我就有一場歌酬，有飯食啦！」時隔4年再開騷，他表示今次不會唱自己的歌，至於跳舞方面，他笑稱：「大家好似有少少笑我，原本真係冇，最近係加插了同個女仔表演有戲味舞步，但唔係跳辣身舞。」