湯洛雯乾花維繫友情

曾經是黃心穎閨蜜的湯洛雯，因與馬國明撻着，被心穎於社交平台取消Follow，但湯洛雯不乏圈中好姊妹，其中「視后」蔡思貝於無綫旅遊節目《貝遊歐洲》中，便有提及2人的情誼。思貝拍節目暢遊英格蘭西北部利物浦，期間到皇家阿爾伯特碼頭店舖，見到獨角獸明信片便想起湯洛雯，她說：「湯洛雯好鍾意獨角獸，佢以前去旅行都會寫postcard畀我。記得有一年我生日，佢送咗乾玫瑰畀我，仲寫咗張卡話希望我哋友誼好似乾玫瑰咁，永遠保存得到。」非常有愛。