張崇德：佢係天使

CoCo在圈中人緣甚佳，內地歌后韓紅、李克勤、曾比特、張崇德夫婦、杜德偉夫婦及《中年好聲音》多位學員昨日前來送別。張崇德透露與哥哥張崇基於1993年參加新秀時認識CoCo，大家都由外國來港，感覺同聲同氣。2015年兩兄弟開騷，CoCo一口答應做嘉賓：「佢仲話多謝我哋畀機會佢第一次上伊館，佢讚我哋兩兄弟係佢認識過最好嘅人，佢對任何人都好好，心地好好，係一位天使，喺舞台上充滿正能量，將自己最好一面表露出來。」