王敏德生日 謝君豪送驚喜

王敏德與謝君豪前晚擔任金像獎的頒獎嘉賓，適逢是王敏德生日，謝君豪特別在後台為對方慶祝，王敏德開心表示：「今年原本冇打算慶祝生日， 一來仔女唔喺香港， 二來又要工作， 估唔到君豪送驚喜畀我。其實君豪幾個星期前生日，我哋屬於同一個星座，唔怪得特別投契。」他又稱原本要到美國洽談工作，但收到金像獎邀請，他二話不說答允，並感謝太太馬詩慧為他設計造型。