陶大宇笑黃日華推劇

藝人陶大宇與袁偉豪夫婦等昨日出席前組合天堂鳥成員葉泓聲投資的咖啡店開幕活動，問到休息中的大宇是否返無綫拍劇？他笑說：「唔講住、仲傾緊，陣間唔成事咪好瘀。」談到日前於社交網分享了與吳啟華、鄧萃雯及歐陽震華幾位《壹號皇庭》拍檔的合照，他直言要感謝總經理撮合：「台慶頒獎禮慶功唔齊人，總經理好有心再安排另一場飯局，黃日華、苗僑偉夫婦、歐陽震華夫婦、鄧萃雯同黃宗澤都有嚟，佢仲提議開套劇叫大家一齊合作。」他笑指大家反應不一：「黃日華笑住話『唔好搞我』，不過幻想吓呢個組合都開心！」