睇好《下流》掃獎 唐詩詠唔係親生女 「后」勁不繼

唐詩詠昨日於大埔出席活動，今年她憑劇集《超能使者》、《白色強人Ⅱ》、《回歸光影頌：我的驕傲》、《鐵拳英雄》角逐《萬千星輝頒獎典禮2022》「最佳女主角」，問到可有信心再封視后？她笑言：「都攤開咗，其實4套劇唔同種類，好難揀，最想攞『最佳劇集』，但又有強勁對手《下流上車族》，我都好鍾意呢套劇。（覺得唔係無綫親生女贏面冇咁高？）都好明白，有就喜出望外啦。（咁多對手，睇好邊個？）鮑姐（鮑起靜）、江美儀都好好，不過等5強先再諗啦！」

提到詩詠與陳展鵬主演的《超能使者》正在熱播，她激讚陳展鵬演技出色，其一場精神病與康復者之間的情感互換，演得非常好，尤其是陳展鵬帶她上屋企見家人，但原來只是幻象，令她很難忘：「嗰日拍咗好多鏡頭，最後出街嘅鏡頭係我嚇到仆倒，當時我真係仆倒㗎，都好想展鵬攞視帝。」

對於無綫台慶後爆發染疫潮，詩詠表示曾致電問候髮型師：「因為佢有去，其實大家都好辛苦排練，可能咁樣令免疫力低咗，但當晚大家都表演得好好。」又稱日前見過有去台慶的張曦雯，對方已做檢測證冇中招。詩詠表示因家中有長輩，會經常做快測確保安全。