娛樂

出完冧招扮失憶 鄭伊健感激送歡樂 ERROR膜拜回敬

伊健偕陳寶珠出席活動,提前感受聖誕氣氛。 伊健偕陳寶珠出席活動,提前感受聖誕氣氛。
伊健偕陳寶珠出席活動,提前感受聖誕氣氛。
鄭伊健的紅館演唱會進行得如火如荼,前晚他在台上公開感謝男團ERROR,入場睇騷的肥仔和阿Dee即舉手膜拜,193則擺出心心手勢,伊健表示:「上次演唱會,返去減壓就係睇你哋嘅《ERROR遊》,我知道今次得兩集,所以我未睇住,多謝你哋畀我哋歡樂!我知你哋開演唱會,加油啦!」三子再起身向偶像鞠躬,全場報以歡呼,伊健笑言要學習他們的「自肥精神」。至於未有去睇騷的保錡推出新歌《Am I Crazy》,找來隊友阿Dee參與Rap部分,高唱對音樂的熱誠。
善心捐款獲讚
另外,伊健昨日偕陳寶珠現身慈善活動,司儀讚他私下常捐款做善事,他表示:「做開就做,好多藝人都有幫。」對於太太蒙嘉慧專程由日本返港睇騷,他說:「應該啦!」提到在演唱會向太太唱情歌,他即時扮失憶,笑說:「唔記得咗!唔係老婆扭計要唱,做騷開心自肥吓,做自己想做嘅嘢。」他又指已想好完騷後約朋友大吃大喝及打機。
而陳寶珠久未公開露面,其粉絲高舉橫額以示支持。有傳她因腰患問題,兩年前辭演粵劇演出,她承認有坐骨神經痛,腳亦有狀況,要做運動及接受物理治療,現時狀況已見好轉,但暫未有再做粵劇的計劃,不過向粉絲保證:「梗有機會,身體為重,會再次演出,最緊要有信心。」
周秀娜及ERROR都有捧場,全程High爆!周秀娜及ERROR都有捧場,全程High爆!
周秀娜及ERROR都有捧場,全程High爆!
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500