陳自瑤冇信心贏最佳女主角

去年奪「最佳女配角」的陳自瑤（YoYo）與「飛躍進步男藝員」的丁子朗（丁丁），今年齊齊「升呢」！YoYo憑《回歸光影頌：母親的乒乓球》爭「最佳女主角」及「最受歡迎電視女角色」，她坦言是意料之外：「以為因為我係上年女配得主，所以今日叫我嚟揭曉名單，今年我冇乜劇播，一直以為冇份提名，依家有覺得好開心同感恩。（有信心攞獎？）可以提名女主角已經係成就解鎖，老實講真係冇信心，因為套劇係單元，我去頒獎禮都係支持吓其他人。」又指視帝視后心水人物是林敏驄及江美儀。