鄭伊健帶隊走勻全港許廷鏗處男謝票「破門」學演戲

由鄭伊健與周家怡率領一眾新進演員李靖筠、陳海寧及鍾雪瑩等主演的英皇電影《深宵閃避球》已上映，片中「熱血教練」伊健偕一眾拍檔及導演應智贇走勻港九新界的戲院謝票。期間，伊健被觀眾問到為何仍堅持留港拍港片，他表示：「大家都喺香港生活咗咁耐，呢幾年的確發生咗好多事，但我係好鍾意電影同漫畫世界。電影應該係抽離，唔應該將真實重演一次，我接到《深》片劇本嘅時候，覺得係呢個喇！」

謝票團隊日前邀得客串演出的許廷鏗（Alfred）及朱栢謙撐場，Alfred更是處男謝票，心情興奮的他表示：「我要特別多謝朱栢謙，如果唔係佢，我好大機會唔會接呢部電影，因為其實係佢引導我去演戲，幫我打開咗以前唔敢衝破嘅一道門。喺演戲上我好似一個新人咁學習，希望大家繼續多多指教！」

紅館騷門票秒清

另外，鄭伊健上月底宣布11月在紅館舉行6場「Here & Now 2022鄭伊健演唱會」，門票昨日公開發售，售票網一早就出現「大塞車」。根據售票網站資料顯示，截至昨午12時30分，只餘約5,000張門票可供發售，不過短短半小時後已全數售罄。