昔日東方黃凱芹來去匆匆 搶機票急開騷
「情歌王子」黃凱芹（Chris）為慶祝入行35周年，將於9月17日舉行《細聽．黃凱芹35周年演唱會》。日前他接受專訪坦言相隔10年再踏紅館舞台，能和忠粉共聚而開心外，另一個感覺就是「急」：「今次臨時話有期，覺得35周年一定要搞，就算喺網上搶貴成3倍嘅機票，又要嘥時間隔離，我都要返嚟開騷。」經歷波折重重才能返港，但完騷卻要即飛走，原因亦令他感無奈：「真係好難先搶到返加拿大嘅機票。我唔係唔想趁機會見吓啲香港朋友，周慧敏已經見咗面，但李克勤就喺內地，今轉冇機會聚吓。」
Chris形容現時是處於「退休生活」，但又不抗拒為錢而工作，可惜疫情令他大失預算，尤其去年取消或延期的工作逾30個 ，他大呻：「全部都係白費心機，最慘係啲疫情喺唔同地區爆發，有時要趁封城前要走，好似走難咁。」
遭6呎高黑熊偷襲
問到是否嚮往慢活生活才趕返加拿大，他謂非別人想像般無所事事，單是家務已由朝忙到晚，更自爆住在郊外曾遇「不速之客」來襲：「有松鼠、浣熊嚟我屋企，仲試過有成6呎高嘅黑熊嚟偷垃圾食，將我個巨型垃圾桶推跌。（好危險喎？）都驚呀，因為都發生過黑熊襲擊人嘅事，我惟有小心啲。」問到一個人住會否欠缺安全感？他稱早已習慣，姻緣之事隨緣，他笑謂：「我幾多歲呀？人哋鍾意我時，我又唔鍾意人哋呢，後生嘅唔會睇中我。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
