昔日東方郭思琳影孕照 爆老公冇褲着
歌手吳浩康（Deep）太太郭思琳在社交網分享孕婦寫真，模特兒出身的她穿上白色花紋透視長裙，因懷孕而升Cup，而手腳纖瘦，獲封「最美孕母」。她透露當日與Deep在沙頭角一個營地拍攝：「所有造型同裝飾都有團隊幫我哋安排晒，嗰日算影得好快手，3個造型連埋化妝整頭，5粒鐘搞掂。」
大汗疊細汗
她大爆拍攝當日最難忘是老公沒褲穿，笑說：「因為服裝贊助之前同Deep合作過，但係佢呢排愛上健身，啲尺寸已經唔同晒，服裝嗰邊竟然照用番佢之前嘅尺碼，搞到佢嗰日冇褲着，只可以着番自己啲衫影。」思琳透露整個孕期約了3個攝影師影孕照，而當日這輯相於35度高溫下在戶外拍攝，她笑說：「又熱又多昆蟲，又要赤腳行石灘，老公影完一個造型已經由頭濕到腳趾尾，佢都冇怨言，我係勁感動！所以第3輯我自動幫佢推咗，唔敢再打擾佢喇！」
提到之前不時見暈，思琳表示：「最近OK，都減少出街喇，因為感覺身體弱咗。之前同朋友行BB展試過頭暈眼花，要即刻搵老公接我走，可能關貧血事。我缺鐵要日日飲鐵水，嗰日趕時間唔記得飲埋先出門口。」她又坦言臨盆在即，心情大為緊張：「Deep一定要入產房陪我，死都捉埋佢入去，我唔想孤軍作戰！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
