昔日東方升呢「2千萬點擊女王」 菊梓喬爆有人求婚 得個講字
菊梓喬（Hana）4年前的熱爆歌《忘記我自己》在影音平台錄得逾2,000萬觀看次數，其唱片公司昨日舉行祝捷會，無綫3大高層，包括TMG唱片公司的何麗全、張仲恒及樂易玲齊撐場，可見她已重奪唱片公司「一姐」地位！席上，音樂人鄧智偉稱已為她創作新歌《隨意瞞》，洗腦程度媲美莫文蔚代表作《呼吸有害》。
開到口恨嫁
吳若希的《越難越愛》用了7年時間才累積到2,000萬觀看次數，提到成績似乎比師姐優勝，Hana謙虛表示：「唔好咁講。（對手變咗小師妹炎明熹？）唔敢比較，都唔同年代。（新歌《隨意瞞》必成大熱歌？）唔好畀太大壓力我，用初衷嘅感覺錄音。」問到緋聞男友吳卓羲可有賀她成「2千萬點擊女王」？Hana不停說好熱避談：「冇朋友幫我慶祝，恭喜都冇，我唔知佢係咪我歌迷。」問到現時是否恨拍拖？她說：「我係想結婚！好多人講向我求婚，但冇人做。」
另外，有傳華納不滿在《香港金曲頒獎禮》中，旗下歌手張天賦只得「男新人銀獎」，屈居環球新人曾比特之下，故拉隊缺席作無聲抗議，TMG行政總裁張仲恒說：「會向華納了解，可能佢哋唔係主力放喺頒獎禮度，況且唔信唱片公司因為一個獎而同電視台不作長期合作。」
本文連結 : https://orientaldaily.on.cc/content/娛樂/odn-20220727-0727_00282_061/升呢「2千萬點擊女王」--菊梓喬爆有人求婚--得個講字
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
