成軍12年 3成員不續約 Super Girls解體 Aka：依家畢咗業

於2010年成立的女子組合Super Girls，5位成員包括趙慧珊（Aka）、蔡明思（Jessica）、吳嘉禧（Cheronna）、陳穎欣（Yanny）及李靜儀（Heidi）自2019年起各自單飛發展。近日傳出組合已經解散，原因是跟經理人公司約滿的Aka、Jessica及Heidi均不會續約，令組合踏上瓦解之路。

懷孕8個月的Jessica坦承已完約：「依家太多急切問題要處理咗先，公司都好好，雖然完咗約，但都繼續幫我處理好多工作上嘅嘢，所以我好多謝佢哋，感覺上都好似同以前一樣，冇咩分別。可能大家都想我專心安胎，所以我好感謝佢哋。」她又指最近防疫要緊，因為身邊有不少朋友包括孕婦及小朋友都染疫，所以未有心思去擔心續約問題。

至於Aka也表示經理人合約已滿，但強調跟公司保持良好關係：「公司話繼續幫我哋接工作，如果有機會我哋5個都會再合體，依家我哋為各自嘅道路努力，期待將來再合體。」她感慨時間過得飛快，並感謝公司及組合：「有4個女仔陪住一齊入行同埋成長，感覺有伴互相扶持，好似讀書咁，依家畢咗業。」而Heidi在社交網的聯絡方式亦已更改為私人電郵。

另外，經理人公司對於組合解散一事，回覆謂：「Super Girls工作上的確暫時不會合體，而公司仍然幫她們各自接洽工作。」