「前夫」施毒手？ Anson Lo攬枕「瞓街」

「教主」Anson Lo各大應援產品都是「神徒」的必搶之物，當中以印有其靚仔樣的欖枕最受歡迎，因可夜夜大被同眠！不過，有網民在為「鏡粉」另一半而設的「洩憤」平台「我老婆嫁咗比Mirror導致婚姻破裂關注組」報料，發現被視為「聖物」的Anson Lo欖枕被「棄屍」於垃圾站。

從照片所見，咬住枝花的「Anson Lo」身穿粉紅色西裝「躺臥」地上，沒有明顯「傷痕」，只是靜靜地與垃圾箱為伴，網民笑說：「朋友放狗見到現任丈夫瑟縮於街角，搵人認咗佢。」大家即搞笑洗版：「邊個前夫做嘅？」、「夠狠夠絕！」有人則擔心「兇手」安危：「之後會見到前夫條屍……」有Fans則為偶像「瞓街」心痛：「點可以咁對教主」、「唔要可以畀我，做乜掉咗佢？」而Anson Lo「真身」當然未受影響，更化上「鴛鴦面」妝拍MV，連踩25小時再拍戲，忙到冇時間休息。

而另一MIRROR成員柳應廷（Jer）推出全新曲風的歌曲《MM7》，大玩主軸Jer、Theatre Jer、音樂狂人及未來兒童4個造型，首度嘗試戴有色隱形眼鏡及Gel甲。