昔日東方嫌遮遮掩掩嘥時間 沙律初熟全裸 興奮到虛脫
性感女神張沛樂（沙律）趁30歲成為輕熟女之際，首度推出個人寫真集《CHANGES》，當中挑戰尺度全裸上陣，面對男攝影師亦毫不尷尬，她說：「我嘅安全措施只有乳貼，影咗起碼14個鐘以上，無謂用遮掩嘅時間去浪費拍攝時間同狀態。我仲記得嗰晚影完瞓得4個鐘，第2朝再影另一輯，幾乎體力透支，但都頂硬上！」
感情事隻字不提
問到拍攝時可有要求清場？她笑言當時沒有展露出半點尷尬，即使現場有很多人，她亦有種空空如也的感覺：「唔好在意人哋嘅諗法，舉例外人對我嘅眼光，就唔會再跌入去所謂嘅標籤。」
她坦言最初構思拍寫真集時沒有全裸這個念頭，後來有此決定全為配合「蛻變」主題：「做啲平時未做過嘅事都算係跳出框框，將大家對於我性感嘅標籤跳去另一種性感，在我嚟講都係一種突破，亦有信心做好佢。」她透露拍攝前一晚心情並不緊張，反而帶點興奮的感覺去完成這件事。
沙律與男友保錡情變，先是刪除社交網的合照，日前更取消關注男方。雖然她堅持封口，對感情事一律不回應，但其舉動已證明雙方「玩完」，正如她之前在社交網發文：「過去就不想了，希望新一年能遇到更好的人和事。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
