爆前度性癖郭奕芯搞嘢被摑嗌爽

男子組合ERROR成員193近日與藝人郭奕芯（Ashina）、鄭伊琪（浩南）及譚凱倫（Helen）合作主持ViuTV節目《晚吹－戀講嘢》，暢談截然不同的愛情觀，並全方位為現場嘉賓拆開愛情枷鎖，引起觀眾關注。

最近一集話題談及情侶間的癖好，一向敢言的Ashina大爆前男友性癖，她說：「試過大家發生緊行為嘅時候，佢突然兜巴打我，我覺得有啲唔尊重，但大家進行緊嗰件事，好難突然停止成件事。佢見我冇乜反應，跟住問我正唔正，我真係呆咗，第一個反應梗係唔鍾意啦，但當時佢係我男友，我嘗試接受呢樣嘢，後來發現原來喺好痛嘅過程中，真係有少少爽嘅感覺。」

193刻名首飾氹女呻笨

至於女嘉賓阿Mi帶來「大話前男友」拍拖時所送的飾物，表示已放下這段感情，眾主持即開玩笑指是「旺中貨色」。193更搞笑表示，希望饋贈物品可以「循環再用」：「我都試過買首飾送畀女仔，仲要刻埋名，但真係落唔到畀下一手，所以建議各位男士送禮物唔好刻名喇！」