MIRROR一粒鐘袋200萬 Edan勒索Anson Lo贖底褲照

Ian（左起）、Anson Lo、姜濤及Edan出場，現場「鏡粉」即時陷入瘋狂！

人氣男團MIRROR成員姜濤、Anson Lo、Edan及Ian昨日出席宣傳活動，吸引近2,000名粉絲聞風而至。Anson Lo自爆有「性感黑圖」在Edan手上，但相信對方不會貿然公開。

MIRROR幾位成員昨日出席活動，有粉絲早於前晚已到場霸位，期間有人暈倒，而大會派出約50名保安維持秩序。4位成員甫現身即引起陣陣尖叫，有指品牌出高價誠邀合作，他們逗留一小時已穩袋約200萬酬金，被問到今次酬勞時，他們同聲表示「唔知道」，着記者向經理人花姐求證。對於有傳收入豐厚，連帶ViuTV集團同事分花紅，他們回應：「有咩？分埋畀我哋啦！」提到有粉絲通宵等候，姜濤即提醒要注意身體。

Ian趕下場綵排音樂會

姜濤早前上載Anson Lo的「崩壞照」引起回響，「受害者」Anson卻表示不介意：「唔係第一次玩呢樣嘢。（有冇諗過報仇？）有！但想留一線，因為驚我Po完，大家仲有再勁啲嘅喺手機！」而Edan被隊友指證是「黑圖發起人」，他笑說：「我影咗好多呢啲相！（有冇離譜到影裸照？）冇，有底線嘅！」

姜濤自爆參賽時曾被拍下「短褲床照」，而Anson Lo年前偕Edan及Jeremy旅行，洗澡後被Edan拍下底褲相，Edan即笑說：「我諗住用嚟要挾佢攞錢，攞番幾十萬！」豈料Anson Lo明言未驚過：「唔信佢會Po出嚟囉！」

至於Ian完成活動後即趕往會合馮允謙，為即將舉行的音樂會進行綵排。Ian大讚拍檔細心，除了分享護聲心得外，又為他準備維他命C作補給。另外，MIRROR周日將聯同羽毛球高手謝影雪及鄧俊文等，亮相ViuTV節目《力圖打排球》記者會，屆時將進行羽毛球友誼賽，令人期待。