標準流浪北區爭晉級

標準流浪領隊黃展鴻表示球隊近期防守有進步，期待今仗取得突破擊敗北區：「上場整體防守係唔錯，同埋球隊多咗人腳，想攻入我哋唔係咁易，不過要留意北區嘅反擊，今季兩次對佢哋都分唔到勝負，希望呢場贏到。」上場對港會一箭定江山的伊巴謙，為球隊取得近1個半月首勝，他期望能乘勝追擊：「雖然我仲要啲時間提升狀態，但表現愈踢愈好，希望可以喺盃賽踢出驚喜。」

北區上場兩度領先下，以3比4僅負理文，主教練陳志康認為球隊可以做得更好：「防守仲有問題，踢得70分鐘好波，唔足以贏強隊。」雖然撞正農曆新年，北區仍加緊備戰，全隊只放了兩天假期，「Cow Sir」稱不擔心球員狀態，惟透露或未能「夫添」出戰：「伊巴謙同雷仙奴勁有威脅，而且我哋唔齊腳，葉卓文踢唔到，基拿美又繼續停賽，缺少兩位中堅絕對有影響。」