昔日東方傑志標準流浪旺角場掀激鬥
「中銀人壽香港超級聯賽」今日尾場爆激戰，傑志於旺角大球場迎戰標準流浪。聯賽8連勝的「藍鳥」為保榜首優勢，力爭再下一城；流浪今季遇強屢有佳作，面對強敵肯定不會客氣。值得一提，「藍鳥」新援金信煜今場有望首度披甲，球迷記得入場一睹這名前南韓國腳的風采！（港台電視32、on.cc東網周六晚6時直播）
傑志上仗大炒香港Ｕ23，總監兼主教練朱志光盼球隊延續好表現，並強調流浪不易應付：「佢哋班底唔錯，幾名新亞援又帶嚟活力，上次交手送咗份『禮』畀神田夢實，今場都會提球員集中啲。」今場除羅拔圖刑滿復出，射手金信煜亦有望上演「地標戰」。
保羅目標保清白之身
「藍鳥」今季在聯賽僅失兩球，門將保羅直言對自己及後防拍檔感滿意，是役目標不失球：「流浪好多球員射術了得，我哋要更加小心，尤其唔好輸咁多罰球。無錯我哋聯賽暫時踢咗11場，只係得一場有失波，當然想將呢個紀錄保持到最後。」
標準流浪剛經歷「8日3戰」的頻密賽程，技術顧問米路透露主力基藍馬、姚浩明或因傷避戰，加上林衍廷累積5黃停賽，或未能強陣出擊。球隊早前曾在「菁英盃」擊敗傑志，惟米路直言今場肯定更難踢：「傑志今季失咁少波，唔只因為有好嘅後衞同龍門，最重要係每場都控制住戰局，我哋惟有耐心等待反擊機會。」
祖連奴：跟足部署踢好波
祖連奴（Junior）近3場攻入3球，成為流浪近況回勇的主因，這名巴西射手認為好成績屬全隊功勞。今場再遇傑志，Junior表示會盡力爭勝：「傑志攻守都好勁，不過球場上咩都有可能發生，只要我哋跟足部署，踢場好波出嚟肯定冇問題。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
