有性趣：燈籠椒偷情記號

早前英國偷情網站Illicit Encounter嘅論壇上，出現一篇「燈籠椒密碼」（Bell Pepper Code）嘅貼文，詢問各位偷情男女知否箇中含義，卻估唔到引起熱烈回響，因為有網民指出該密碼係專為喺超市中識別有意偷情之男女嘅記號！佢哋嘅做法係先挑選兩個燈籠椒，然後椒莖向下放喺購物車內，當有心人見到彼此嘅購物車內，同樣咁樣擺放燈籠椒時，就知道搵啱對象，跟住兩人就可以一齊去爆房曳曳！有偷情男女稱呢個方法夠晒方便，但亦有網民稱，日後喺超市見到有男女咁做時，便知道佢哋嘅企圖，所以呢個密碼已經唔再係秘密喎！話雖如此，有人認為偷情男女既然有心搵食，總會諗出其他方法相認。