有性趣：爆炸喪屍動作片

又有爆炸，又有喪屍，仲有埋動作戲，咪以為係一套驚慄電影，其實係講緊日本AV女優MINAMO出道3周年嘅紀念作嚟㗎！

話時話，日本AV廠近年好鍾意拍爆炸戲，繼2021年12月推出安部未華子嘅引退作《出道10年AV女優引退作品奇迹的AV》出現爆炸場面，家陣亦有SOD為MINAMO精心製作嘅《MINAMO ZOMBIE AV DEBUT 3周年記念作品》，唔單止玩爆炸，仲玩埋喪屍添！

老實講，一般AV女優嘅出道周年紀念作都係以唯美行先，但MINAMO唔單止要爆炸，仲要化個喪屍妝，而最奇情嘅係唔知點解啲男人見到MINAMO變成喪屍，竟然好有衝動想同佢曳曳，結果完事後被MINAMO咬一口而變成喪屍！咁騎呢嘅劇情，據稱係MINAMO有份度橋，而佢更相當滿意今次演出，話感受到片廠對自己嘅重視。