有性趣：脫后為新作賣口乖

話題脫星天后Stormy Daniels曾傳出跟美國前總統特朗普有私情，但無礙佢專心發展成人事業，早前佢為咗新作更係賣晒口乖冧粉絲！

現年45歲嘅佢，早喺2002出道，並獲獎無數，奠定天后級脫星地位，而打滾咗咁多年，佢仍冇停下工作，去年更初次自導自演，化身成牧場女主人演出四仔作品《Redemption》，不但備受各界好評，更令佢提升自信。而佢第二部執導作《Decoy》，將會喺成人影片網站上推出，佢更透露跟住仲有另一套新作《Woke Up Late》會接住推出。Stormy Daniels表示能跟做攝影師嘅老公合作拍片，係一件相當完美嘅事，但亦因為咁，令人猜測佢好快會淡出脫星界。不過佢就大派定心丸，話只要一日有粉絲想睇佢嘅演出，都會一直演落去，佢又稱粉絲親如家人，唔捨得就咁退役之餘，仲話愈嚟愈享受喺鏡頭前獲得性高潮喎！