有性趣：脫界天王呻難搵女友

現年57歲嘅Tommy Gunn，獲封為脫界天王可謂當之無愧，早喺2004年投身四仔界，憑住實力於AVN頒獎禮奪得「最佳新進男優獎」，跟住先後多次獲得「最佳四仔男優」殊榮，更進入NightMoves及AVN名人堂，由出道至今演出超過2,500部作品。早前佢接受媒體訪問時，坦言事業成功係有代價，而最困擾佢嘅就係感情關係。Tommy Gunn表示自己年紀已唔細，故此一直想搵番個伴，但因為工作關係，經常影響到佢同女友嘅感情，亦令女友時常會猜疑和嫉妒，為此唔少前度喺佢演出前一晚，都要佢喺床上交功課以獲得安全感。Tommy Gunn無奈指雖然明白對方嘅用心，但年紀漸大嘅佢已無力連戰兩晚，情況就好似拳擊手喺上擂台比賽前，好難喺前一晚先打場拳賽一樣。