有性趣：嫲孫戀只為錢

現年83歲嘅Iris Jones早前喺社交網高調宣布回復單身，仲話感到前所未有咁開心，搞乜鬼阿婆咁興奮呢？原來佢成功跟37歲埃及籍丈夫Mohamed Ibrahim離婚。呢段「嫲孫戀」之所以喺英國咁轟動，唔單止因為兩人嘅年齡相差46年，更在於兩人喺2019年6月相識，一年後便拉埋天窗，跟住上埋電視節目上分享夫妻生活。不過，婚後Iris Jones卻發現丈夫不但欠下大筆債務，並要佢幫手償還，更要求佢改遺囑，好等佢百年歸老後接收資產及物業。及至結婚4周年時，Iris Jones發現少夫跟其他女人有染，便將其逐出家門，並決定離婚。唔少網民都非常支持Iris Jones，仲話呢啲賤男早就要斬攬，唔可以留喺身邊傷害自己。