絲絲講場:卓百德寫小通勝薦「木」股
星級分析員卓百德(Peter Churchouse)雖然唔係中國人,但長居香港超過40年嘅佢對陰陽五行學說都頗有心得,每年都會撰寫「小通勝」,製作成新年賀卡,寄給客戶好友,預測一下投資前景。
咁唔知佢對2025年乙巳年,或者木蛇年有咩諗法呢?卓百德話,首先,相較2019至2023年,可能會少啲動盪同混亂。但由於巳為火,在火嘅強勢主導下,經濟同社會狀況至少喺年初唔會有起色,採取保守嘅投資策略可能係明智之舉。今年初股市將呈牛市,但小心到年尾會大幅回落,屆時就係重新投入資金嘅時機。
預測樓市3年無起色
就房地產而言,買樓人士同業主應該做好資金被套牢一段時間嘅準備。由於火主導,在2025至2027年期間樓市不太可能出現牛市。相信要到2028至2033年,隨着金、水元素開始佔據主導,經濟同樓市應該先會再次穩步回升,大家需要耐心等待。
木係今年最強嘅元素,故木材使用和木製品相關行業繁榮可期,例如伐木業、造紙業、家具業、草藥行業、天然織物行業,以及儘管主流意見反對使用化石燃料,但煤礦開採屬此類。
火係第二強嘅板塊,這包括已處於牛市嘅科技公司同股票,電訊、互聯網、電子等行業可能會繼續發展得相當不錯。
相反,土和金元素將係最薄弱嘅板塊,例子包括任何與建築相關嘅行業,如水泥、房地產、建築材料或設備都將不景氣。煉鋼、金屬貿易、採礦、機械製造應該會提供做空嘅機會。
有趣嘅係,卓百德嘅通勝認為,金銀開採和貿易在2025年應該表現不佳。依點同目前主流意見相反,因為地緣政治和其他不確定性因素,好多人預測今年黃金將繼續有強勁表現。新一年尚有12個月,就等我哋拭目以待啦!
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500